寒冷嚴冬另佢哋郁都唔郁，除咗食同痾.....就係瞓...瞓....再+瞓.....
小吉最鍾意响機頂盒上面瞓
暖返少少的日子傻豹就會翻住肚咁瞓
最凍嗰幾日，我仲幫佢哋著咗衫仔
小吉著衫仔有d 難度，但著完之後佢完全冇受影响，活動自如，仲要去晒太陽添.....
小吉: 我型唔型?
同傻豹著衫仔就零難度，但佢著咗之後就會變咗乖乖的機械人，郁動唔方便所以佢唔會好郁
傻豹: 做咩影我，拆你菲林啊啦!!
見其他貓仔都因為怕凍攬埋一舊瞓，但呢個情景無出現响小吉同傻豹身上
頭貼PAT已經係最親密的一刻lu.....
其餘時間都係好似咁，雖然同一POSE，但都只會各顧各!!
其餘時間都係好似咁，雖然同一POSE，但都只會各顧各!!
小吉&傻豹: 我哋一起翻滾吧~~~
小吉你好型呀!! 兩個貓球翻滾好搞笑呢~
回覆刪除[版主回覆01/14/2013 12:00:32]小吉: 多謝哈碌
想請教一下.........點樣幫喵地減肥架?
回覆刪除一般黎講佢地係食幾多餐 , 份量幾多的 ?
[版主回覆07/24/2013 17:15:20]其實我都係 - 1) 轉咗減肥糧 (低卡路里) / 2) 由放長糧轉做每日分三餐食, 聽講少食多餐有幫助 / 3) 罐罐份糧比之前減少了大概1/3 / 4) 乾糧比之前少咗~3/4杯 (因為已轉減肥糧, 唔想減少好多) / 5) 比零食佢哋食時要佢哋郁動多d
其實佢哋肯郁應該好易減，傻豹嚟咗我屋企成日無啦啦暴走同埋追住小吉打，而家見佢細粒咗好多.....
而小吉被傻豹追，同埋食零食時要佢郁多d, 佢個肚腩都細咗.....
不過冇咗長糧你要預貓哋會成日追住問攞嘢食, 同埋朝早會叫醒你