貓貓日記 の 前世有仇?

傻豹入住獅子家都就快1年........
終於佢哋肯並排開飯啦~~

 

大家唔好以為好簡單......

由一個响廳食, 另一個响房食;
到一個响櫃邊, 另一個响牆邊;
再到平放兩個飯兜一齊食, 但兩個pat pat "八"字咁分開, 後腳勁想逃......
之後先得嚟呢個排排企開飯的光景

但佢哋的friendship....只到此為止!!

食到尾段已變成咁樣

 

大家睇清楚d, 唔單止一個响左一個响右......
最主要係佢哋分別搶緊對方個份嚟食!!

再帶大家睇真d~~

冬天時我有幫傻豹著衫仔，佢著到成個機械人咁，行動不便﹗我將佢抱起放咗响小吉隔離

小吉開始鼓埋泡腮......而傻豹就..梗咗........

之後小吉開始不多自在，擔天望地.......而傻豹就用上最大力氣，行動幾不便都好，起身走人......

再來另一事件

究竟前一秒發生緊咩事，佢哋會坐得咁近呢??

咪就係原本獅子太太坐咗响中間囉~~原本佢哋各自霸一邊，黏住我瞓覺

點知我行開之後.....

小吉又開始擔天望地，唔多自在.....

下一刻.....

小吉拔腿就跑，只留低傻豹一個.....繼續KEEP 住CHOK POSE~~

更過份的仲有.......下回再分解.....

*********************************************************************************************************

獅子太太剛剛响FACEBOOK 開咗個PAGE，主要幫布藝店宣傳一下
但閒時都會POST下小吉&傻豹的生活事ga~~
希望各位blog 友+ 貓友多多支持﹗
一個LIKE代表一份支持﹗推動我更加努力製作手藝品 請支持本地自家創作!!!!!!

獅家駅 - 手作り小物の店

Promote Your Page Too