長汌一天遊

啱啱過咗個星期六係老公生日，我哋去咗長洲玩一轉，我哋已經十幾年無去過長洲lu......

因為早上有事做，我哋只可以搭2點快船入長洲，咁啱遇到大老倌蓋鳴輝坐响我哋前面 .......

一早諗住入到長洲掃街當食晏，就咁餓住個肚入去

一開始亂咁行唔係好識路，行行下去到個運動場，見到包山個座已搭!!  原來又快到搶包山之日啦~~


第一個朝聖的地方 - 甘永泰魚蛋

好長龍啊~~~


婆婆密密包....密密包....婆婆的背面就賣緊生嗰D丸

我哋買咗大魚蛋

魷魚丸 (因為蝦丸賣晒)

唔好味ge......無魷魚味，只係得肉.....似豬肉丸多d.....

四寶丸.....但有五粒  分別係魷魚丸、蝦丸、龍蝦丸、魚蛋、鯪魚丸

最好味都係魚蛋，其次係蝦丸同鯪魚丸

食完離開甘永泰，見到呢個廣告.....原來蓋嗚輝係入嚟做大戲.....


之後到故鄉茶寮

買咗紅豆餅

都唔好食ge.....

跟住再食咗茶果同椰汁西米糕.....都係覺得麻麻地......
响有d失望的情況下，決定暫停掃街行動 (其實已經飽飽地) 向張保仔洞出發!!!

沿海傍一路行

行咗大概廿分鐘，終於有路牌指示

最後我哋只去到洞....口，無入到去.......(洞口已坐住個阿叔賣電筒)

周圍環境已經好優美，又無乜人.....主要都係得2-3對情侶，後生嗰d 會入洞.....但比較年長的(好似我哋，哈)，就去到影完相就調頭走~~
臨走時開始見到一班大陸遊客剛到....我哋即閃!!

其實臨上山時，有條分义路，路牌指住左邊去張保仔洞.......
但我哋覺得行左邊上斜好難行，回程時經過天后廟那條路比較舒服 (即右邊)

回程時已開始日落

再經過碼頭，响附近買我至愛的烤魷魚食 (其實都幾貴，特價咗都要廿蚊得兩隻﹗﹗)

响走到海鮮街前，發現這貓咪在看店

响海鮮街上來回咗2-3次，最終決定食呢間 「蘇波記」

6點鬆d就開餐﹗﹗當然呢個決定係十分正確，大概七點間間都排晒長龍啦~~
點咗$198 四個海鮮呢個套餐，我哋揀咗﹕

椒鹽瀨尿蝦

豉椒炒聖子


蒸扇貝

蒸魚

另加椒絲腐乳通菜

再加白飯，承惠$259
呢個價錢嚟講食物質素算OK~~ 最失望係另加錢的通菜，無腐乳味....仲要通菜味都無，又油到死!! 

食完晚飯諗住去搵糯米滋食......點知去到允升....賣晒!!  (大家記住下晝去食啦~~原來到夜晚周圍都賣晒ga la)

唯有求其揀個湯水食

芝麻糊豆腐花

白果腐竹湯水


原本有隻貓咪在店內坐鎮，可惜响我哋專心叫嘢食時有個怕貓的女食客尖叫了幾聲，當我哋叫完得閒時已經不見踪影﹗影唔到啦

食完湯水時間啱啱好﹗﹗我哋搭8點 (搭正係快船) 船出中環

~完~

-後話-

去到長洲見到d平安包產品咁得意，最後都係忍唔住買咗