獅媽手作 の 獅家ABC

第二件要忙的事，之前有預告過架啦~~

基於太手痕的關係，獅媽又開始整返手作仔

今次整本「ABC」比獅B，開始咗唔想半路停手，所以變咗趕頭趕命下完成

獅媽手記 の [分享] PHOTOBOOK

九月中到十月中响BLOG 失蹤咗一個月，因為呢段時間好多嘢搞，呢樣係其中一樣:

話說姨媽上年結婚時响婚紗展買咗COUPON整PHOTOBOOK，買時已預留一本送比獅B
佢曾經有同我提過，因為始終我有最多獅B的相，所以要我自己整返.......
最後.....佢响到期前個半月(定兩個月)，先比資料我去整......

就係咁，我連續三日，不停整整整、排排排，總共32頁，最後响佢過期前整好出嚟!!

只需兩個禮拜，就收到成果啦~~

比大家睇下其中幾頁

一天一天長大

周圍跑跑跳跳

獅媽手記 の 做人阿媽真艱難

好耐無UPDATE 個BLOG
其實有好多嘢想寫、好多嘢想同大家分享
但呢兩個月，不同的事接踵而來
有好的、有壞的、有令人鼓舞的、有令人頭痛的、有令人快樂的、亦有令人發狂的........
前幾日仲覺得自己快顛了!!

經常會見到人話，做全職媽媽好辛苦，無工人無人幫，全部自己落手落腳，24小時都要做......
當然我唔會抺殺媽媽們的辛勞
但有邊個，會去理解一下，在職媽媽的壓力?

同時HANDLE 婆婆同工人係我有生之年以來，覺得最難最委屈的事。
每日婆婆就同我投訴個工人呢樣嗰樣，但自年頭公公走咗之後，我又唔想婆婆自己一個响屋企，唯有佢受盡工人氣，我都要每日請佢過嚟。我就變成出氣袋，每日比婆婆吹到就快爆為止.....

講真嗰句，幾多錢請個工人返嚟，大家都心知肚明，我從來無expect 過佢做嘢會同我自己做一樣咁好。但我只想大家都攞個良心出嚟，我對你好時，麻煩你都可以將心比己，唔好只做個半年，就越來越冇大有細，乜都奉旨，教我個女發脾氣鬧人仲覺得好好玩!  又周不時比我發現你猛你對大眼講大話!!!

獅媽手記 の 夢....還在追

自從獅B出世後，我暫停了兼職的手作小店，還未打出名堂(哈哈....)，就要停了，說實在真的有點失落......

某天打風早了回家，我急急忙忙在飯後車了一個袋給自己....但期間獅B聽到衣車的聲音，很怕，急忙抱著工人姐姐

不想再有類似情況，只好暫停，要等獅B再大一點了.....

但是，用不了衣車，我還可以用手縫!!

起初剪剪縫縫了四個兜

獅媽手記 の 小獅B FASHION SHOW

之前獅媽都分享過幾次網購的成果

而家獅B十六個月大啦，自己周圍走，獅媽就更鐘意同佢打扮

獅媽唔係將獅B打扮成公主咁

而係根據佢外表同性格，幫佢揀選舒適的衣物

ONE-PIECE裙

獅B太似獅爸啦，男仔頭，著起裙都唔似女仔......hahahaha......

連身褲

一件頭，方便易穿，尤其鐘意UNI QLO的連身褲

台中超HEA遊 の DAY 3

DAY 3

我哋9:30先落樓下食早餐

酒店包的早餐，超豐富

佢一碟碟送過嚟，唔駛自己去攞，另有麵包/飲品自助形式放晒响度

我哋慢慢食，傾下計.......食完返上樓再梳洗

10:45先出發

台中超HEA遊 の DAY 2

 第二日半夜要兩點半起身，3:10分集合上車

我哋四個人+另外一個人响日光上車，其後再接多三個人，連司機總共九人上合歡山睇日出~~

首先响全台最高的7-11停低咗架車等咗大半個鐘，同行友人開始鼓譟，因為唔知响度等乜......响度等不如响民宿瞓多幾個字好過啦.......

獅媽手記 の 突然出走到台中

六月底突然同朋友到台中散散心，輕鬆一下，做咗四日拋夫棄女的衰阿媽!!

好耐無寫過遊記，等我寫下今次呢個台中超hea遊~~

出發去機場前再望一望獅B先.....仲响度熟睡中.....

機場CHECK完IN之後，醫咗肚先!!

獅媽手記 の 新姐姐

又一個禮拜冇寫BLOG，因為上個禮拜新工人姐姐到，成個禮拜都留咗响屋企。

獅爸獅媽都要返工，婆婆又年紀大，迫不得已之下，只好請姐姐幫手照顧小獅B⋯⋯

**以下係我的經歷，一大堆字，我唔知有幾多個會有心機去睇晒，但我就係想寫晒出嚟，抒發一下⋯⋯僱主虐待工人，就搞到全世界都知，但僱主對住個工人超大壓力，就無得投訴兼唔敢出聲！！**

獅媽手記 の 工廈私房菜

之前工廠大廈有好多開倉，而家就越來越多舖頭，賣衫啊、日韓護膚品啊、天然手工梘/護膚品.....

近排食肆更加越開越多，我公司附近就接二連三開咗幾間韓式餐廳，跟住就係私房菜....

農曆年有廠請食飯，揀咗呢間PRIVATE K，都OK喎

周圍裝潢

我影相的位置係張大梳化，可以食飯前後大家坐下傾下計

桌面佈置

獅媽手記 の 最新近況

原來都有差唔多兩個月冇更新呢個BLOG.....因為屋企發生咗好唔開心的事.....

一月底時公公突然病咗，肺炎入咗醫院，响醫院住咗四日，公公就話要出院，醫生見佢有好轉，就比佢出。點知返到屋企藥又唔食，漸漸連食物都食唔到.....

有一晚開始呼吸唔順，婆婆就立即帶佢去急症室，發現肺炎嚴重咗.....一開始時加重抗生素，我哋每日探佢時都好似有d好轉......點知年廿九，醫生突然打電話嚟，話公公的肺炎誘發咗心臟病，個心開始有問題.....最後公公响年初三返上天堂，回到天父的身邊.....

每一次想起公公，心都好痛，老人家真係可以話走就走......公公無病無痛行得走得時，我哋無特別關心佢.....所以話每個人都「愛得太遲」，無咗先識得珍惜，真係好正確.....

好彩係有小獅B、小吉、傻豹三隻小豬响度，响呢段咁艱難的時期，帶比我哋歡樂。

每日婆婆到我哋屋企，同獅B玩下，希望佢可以忘卻悲傷.....

傻豹都立即回到婆婆屋企，陪下婆婆，等婆婆唔好自己一個人亂諗嘢.....

而家獅B 响屋企周圍爬，一路扶住d嘢四圍走，一有機會......就去玩小吉個水兜 -__-!!

獅媽手記 の 又來網購分享 （下）

獅B細個d衫，朋友比咗好多我哋。買返嚟嘅主要都係獅媽响英國NEXT 同埋美國CARTER'S買返嚟。

聖誕時約咗幾位bb一齊用羊仔造型到影樓影相，獅媽開始响淘寶買BB衫。

一開始只係買d帽仔、口水肩呢啲細件嘢......

聖誕口水肩

獅媽手記 の 又來網購分享 （上）

之前有分享過我直接响美國Carter's網站買BB衫返嚟，好成功兼十分滿意。

所以諗住聖誕前再買d靚衫過節去下Party，點知就出事了......

話說我見十一月底佢又開始減價，再加上一次買嘢嘅八折coupon，好抵咁又買咗十幾件衫仔。我已經預早一個月去買，但最後係要「一月中」先到香港.....

今次運送過程需要足足一個半月，主要原因係轉運公司爆倉，份件足足扎咗响倉一個月!!! 每次問客服都只係話"年尾好多件，人手真係有限，負責同事已經每日加班安排......"
廢話!! 追咗兩三次都係得到呢個答案，我都費鬼事再問....放棄.....佢鐘意幾時到就幾時到啦

點知到時都過晒聖誕新年lu！！好彩嘅係我只買咗一套聖誕衫......其他都仲可以著到......

最後我得出一個結論，就係千祈唔好大時大節上網去買嘢!! 爆倉呢個問題係從來都無法解決的~~ 

針織外套  $79

獅媽手記 の 剪斷煩惱絲

足足有一整年冇去剪頭髮，對上嗰次仲係陀住小獅B四五個月度......

生完一路餵人奶，一路都唔想搞呢D化學嘢
因為天生一頭勁攣髮，只有整直先可以剪短髮

就响呢一日，決定停餵人奶，剪掉煩惱絲!!

剪掉一大紥!!

獅媽手記 の I LOVE網購

獅媽好鐘意上網買嘢，因為好怕出街超多人同埋遇到d煩到爆的SALES.....

生咗獅B更甚，因為帶住佢，唔可以周圍去。再加上响香港街坊地方賣的都係中國製造，賣大牌子的地方又迫滿自由行.......所以唯有自己上網直接買返嚟啦

前排美國BB衫老牌子CARTER'S 大減價，獅媽點會輕易放過呢個機會
响FB見到好多SHOP都有代購服務，但為咗一慳再慳，決定自己一手搞掂，直接上CARTER'S WEBSITE 買

最終買咗一大堆!!  因為實在太平啦~~~

獅媽手記 の 登高

今年重陽節係獅媽第一次去拜阿婆.....獅B亦第一次參與

第一次帶住小BB 上山，真係十分吃力，咁啱天氣十分晴朗，熱到爆!!

好明顯獅B係村姑上身

獅媽手記 の 好耐無見啦~~

我返嚟啦~~~

小吉同傻豹，大家仲記得嗎?

希望我哋無被遺忘.....

自從獅子BB出世之後，獅子太太榮升獅子阿媽(簡稱獅媽)，每朝7點起床，夜晚1點先有得瞓，真係忙到無時停......

至於小吉同儍豹，一啲都無變過!!

小吉仍舊鐘意瞓梳化頂