飲飲食食 の 繼續官塘工廈試食

因為响官塘返工，順利成章經常响官塘搵食，而家响工廈開餐廳開到成巷成巿，搵食變成樂事，好多新嘢食!!

不過發現網上食評真的不能盡信，好幾間試過，先發覺被騙.......以下係其中一間

呢日約咗一位剛剛生完B的朋友，出嚟官塘陪我食個LUNCH

一坐低就係咁傾湊B經，完全無為意點完菜淨係上咗個前菜一直唔見主菜!!

最後係有人走嚟問我哋點咗D乜，先發現原來點菜寫嗰張單，仲响我哋張枱上!!  又會咁做嘢都得.......

就係左上個張紙仔

POST 100~~~~

 

結婚四週年

5月16日，係獅子先生和獅子太太結婚四週年紀念

真係唔覺唔覺就咁過咗四年.....
呢四年由嘈交多過食飯的生活，到而家終於搵到點樣和平相處的方法
由只得兩口子，到小吉的加入，再有傻豹.....而家變咗四口子啦 (希望下年有所增加....)
獅子先生由一開始唔多鍾意小動物，到而家同小吉傻豹ge互動多咗

這種種.....都記在心中.......

今年正日無咩特別慶祝，只係放工食餐飯

FULL/half @ THE ONE

 

其實呢間嘢麻麻地...好少選擇

母親節快樂~~

給孩子一個溫暖快樂的家就是每位母親最希望得到的。
願各位靚媽、潮媽、型媽，不單在母親節，每天都健康快樂！！

獅家駅 Lion Eki - 手作り小物の店

Promote Your Page Too

長汌一天遊

啱啱過咗個星期六係老公生日，我哋去咗長洲玩一轉，我哋已經十幾年無去過長洲lu......

因為早上有事做，我哋只可以搭2點快船入長洲，咁啱遇到大老倌蓋鳴輝坐响我哋前面 .......

一早諗住入到長洲掃街當食晏，就咁餓住個肚入去

一開始亂咁行唔係好識路，行行下去到個運動場，見到包山個座已搭!!  原來又快到搶包山之日啦~~

閉關過後．重出blog湖

見到blog 友皇魯吉。孖 的留言，催我快快更新，十分感動......想不到自己的blog，還是有人願意繼續看下去的.....

話說回來，閉關個多月無暇寫blog的原因，主要是因為........................

再多一個地方可買到我整的布藝產品啦~~~
在炮台山﹗

開頭以為那地方比較偏，曾經有擔心過人流問題。但最終結果不錯喔~~
那地方專賣handmade產品，店主管理也較好，所以在黃大仙的格仔舖約滿後便不會續租，四月開始便只會在炮台山買到我的東東了

但在這重疊的個半月，真的累死我了!!  這邊要顧，那邊也要顧!!
我還"身痕" 去報讀了皮革工藝班....每日在家就縫這縫那，家務也理不到了，老公看到也
所以這裡...也要擱置下來.....

希望過了這個月會好點吧

大年初一 · 恭喜恭喜

蛇年快樂~~~

祝大家新一年事事稱心, 大吉大利, 開開心心!!

仲要好似貓哋咁歎, 日日蛇王瞓覺豬!!!

全年都在主的愛內

恭喜恭喜~~

年廿九 · 蒸年糕

今年第一次學人蒸年糕, 原本諗住搵媽媽偷師, 點知媽媽臨新年嚟入醫院 >__<
好彩而家總算無大礙, 年廿九前醫生都批准出院

媽媽大概將個做法話我知, 我再上網查下大概份量
成績唔錯~~第一次試做的唔夠甜, 低糖的啱晒媽媽

之後個批加了糖, 仲好煙韌

姆明年糕

心形年糕

2．0．1．3

2013年祝大家新年快樂、新一年事事順利~~

獅子先生和太太在新一年還是不願出鏡

2012年都算發生了很多事情
* 去過西班牙 - 原來自己都頗喜歡這個地方

* 傻豹終於正式入住獅子家，與小吉結伴，但直至2013年，仍未能"為友" (之後會再交代一下小吉和傻豹的來歷) - 開始KEEP住寫貓貓日記BLOG，希望跟各位貓奴交流一下

* 媽媽正式踏入退休生活，雖然不是與她同住，但常常聽人說沒有工作沒有寄託很易生病，媽媽在頭幾個月就是這樣子，有點擔心....但最終媽媽在社區中心認識到新朋友，經常有節目，精神也好多了......但由於多了在家，跟已退休五六年的爸爸多了拗撬 - 希望2013年可抽更多時間陪伴他們
 
* 跟朋友開了格仔舖賣一些自己親手造的手作仔，開頭覺得香港人不懂欣賞手工藝，但慢慢的手作品都陸陸續續賣光了。現在發現其實是自己懶惰，沒有好好經營，作品實在做得太少了 - 新一年要再積極點，做好的手作品也多放在這個BLOG，也請大家繼續支持!!

* 終於去學整麵包 - 原來一點也不難，遲些會逐一介紹我整過的包

* 到2012年底還有一件事未能實行，希望2013年繼續努力﹗﹗

 請大家繼續支持及多多關照~~~

又到聖誕~~又到聖誕~~~(下)

快快補返聖誕節時影d 相  

尖沙咀海港城

又到聖誕~~又到聖誕~~~(上)

時間話咁快就過，好似啱啱先過完中秋，轉眼間又到聖誕!!

每年聖誕，我都會周圍去影相，因為各大小商場都會有靚靚佈置吸引顧客。仲有會同老公&朋友周圍去食好嘢~~

比大家睇下我暫時的成績先

小甜甜 @ EAST POINT CITY

兼顧不來?

近排每天也在頭昏腦脹的境地

每天都徘徊在工作、格仔舖、家務、手作品、兩隻毛孩子之間……

基本工作和家務不能不做，但每天也同時需要籌劃格仔舖應怎樣更吸引顧客，又要想著這星期製作那種手作品

最另人苦惱的，就是其實香港人對手作布藝的熱心不大，他們只在乎價錢
不像日本或台灣人那樣熱衷，明白到是人家一針一線縫出來的，價錢高一點也會買上心頭好

說實話，是有一點點打擊……但同時開始明白這地區的目標客戶是那類人，以後決定賣什麼時只好以價錢行頭了

這是最近的舖面


剛過了的星期六，帶了小吉到診所打每年一次的防疫針

忙．忙．忙

呢排好少update 個blog，因為我同朋友終於衝出網上世界，決心將我哋比十足心機整ge布藝小物公諸同好!!! (好誇張)

所以呢排一放工都留响屋企埋頭係咁車....車....車.....

好彩兩隻仔都好生性，無病無痛，食得瞓得，只係周不時打下交

終於我哋小舖响尋日開張啦~~小舖只佔....一格 格仔舖是也~~

當中有d甩漏，有d混亂，有d 搞笑......經營模式仍在摸索當中......所以還須努力!!!

若對布藝小品有興趣的朋友，歡迎到黃大仙探下我哋，比d意見:
「自家箱場」黃大仙中心UG 2號舖內#57
同場加演﹕傻豹超歎 の 呢張床係屬於我ga la~~

忙完了嗎?

沒有更新blog都快兩個月了~~

沒有更新主要是因為忙得很，回到家做過家務後根本沒有多餘精力再寫blog

五月頭去了十天西班牙+葡萄牙之旅
回來後便趕緊處理搬寫字樓的大小事項
然後便開始pack箱 --> 搬 --> 再unpack
累死了.....到現在還沒有unpack完﹗﹗

在這期間一直都有想想忙完後要做些什麼
整理旅遊照片?
趕快寫下西葡遊記?
小店轉型?
幫家居添置些自家布藝?

真想快點忙完

老公生日 の High Tea @ Hooray

今年老公生日在星期六，沒有什麼特別節目，主要都是食、食+食

下午先到銅鑼灣世貿這間叫HOORAY HIGH TEA

原本天文台天氣預報星期六日都下雨，怎料昨天出奇地好天氣﹗所以由坐INDOOR改為OUTDOOR~~

太陽伯伯很可愛，一直都曬著我們，雖然是有點熱，但覺得很健康






這個HIGH TEA SET咸點比較好味，甜品則麻麻。不知是不是戶外比較熱，影响了，泡芙和班戟的皮都有點硬。若果原本就是這樣，就真的不及格了.....

不過到這間餐廳的各位，戶外SEA VIEW就是最吸引的地方吧。坐在那裡感覺真的很RELAX~~

同場加映 - wtc la petite mu mu Easter Dream Garden

兩次不快經歷 (下)

復活節假期最後一日，我哋同夫家去葵芳新都會廣場的小南國食晚飯。

小南國都算係一間有名的上海菜餐廳，真係估唔到會有咁ge遭遇....

話說睇緊菜牌時，我同老公揀咗蔥油海蜇花、紅燒肉同鴨，其他人再加其他菜

睇到菜牌個紅燒肉可以配茶樹菇or百頁結，所以我話落單時記得同佢講要百頁結，因為我想食
而老公就未諗到要個前菜「上海醬鴨」好，定要個主菜「樟茶鴨」。

未諗好阿哥就開始落單，佢落完老公話要拎返本菜牌睇多次，揀「上海醬鴨」定「樟茶鴨」。
落單侍應就一句"得"埋嚟，"上海醬鴨同樟茶鴨係兩樣嘢嚟"
我哋無奈咁答: "我哋知....."

最後老公揀咗醬鴨，個侍應問要半隻定例牌
我哋﹕"要醬鴨喎" (邊會有人叫半隻鴨做前菜)
侍應﹕"係啊，醬鴨都有可以嗌半隻，加$xx"
老公﹕"個菜牌得一個價錢，咩要例牌定半隻啫" (開始火火地)
侍應﹕"唔係，你加$xx就可以有半隻....."
deadair 咗幾秒
我忍唔住叫﹕"例牌啦﹗"

之後叫紅燒肉，個侍應好無謂咁問我哋加唔加d唔知咩嘢，好明顯係完全冇諗住問我哋要茶樹菇定百頁結
所以我唔理佢加乜嘢，話個紅燒肉要配百頁結

個侍應竟然同我講﹕"個紅燒肉配百頁結唔好味ga，個百頁結唔會入到味，茶樹菇好食好多ga"
我真係無佢咁好氣，就話﹕"我想食百頁結"
侍應竟然繼續﹕"唔係ga，要茶樹菇啦，好食好多ga......."
老公終於忍唔住﹕"夠啦喎你......"

真係好匪夷所思，個侍應點解係都要我哋食茶樹菇，唔比我哋唔食架咩?
我講到明要食百頁結，佢繼續講佢ge理論，有冇聽客人講嘢架??
如果百頁結煮呢個紅燒肉咁~~~唔好食，點解要放入菜牌呢???
明明百頁結係冇乜味，就係要用類似紅燒呢d濃味的煮法一齊煮先好味，個侍應點解一口咬定會唔入味呢????

兩次不快經歷 (上)

清明+復活節長假裡，去咗兩間餐廳食晚飯，但兩間的服務態度認真嚇人，所以寫出來比大家參考參考一下。

(一) 馬鞍山新港城中心一間食類似越南嘢的餐廳 (响板長同茶軒隔離)

我哋叫咗一個2人套餐，$14x，雖然唔係好貴，但亦都唔平囉，並唔係大排檔價錢
套餐包括﹕
沙律 — 有鳯尾蝦 / 春卷 / 蝦餅揀 --> 我哋揀咗鳯尾蝦
主菜 — 揀2款 --> 我哋揀咗馬拉盞炒通菜 & 無骨海南雞
白飯 x 2 + 飲品 x 2

首先嚟咗2杯嘢飲&馬拉盞炒通菜，過咗一陣都冇話自動上飯，要我哋叫上。
之後嚟埋海南雞
最後就嚟咗一碟春卷，旁邊有d碎椰菜 (比平時伴菜更碎的菜)

個侍應一放落嚟，老公就即刻話"唔係我哋ge，我哋冇嗌春卷"
傳菜想拎走，同時又問"你哋嗌咗咩"
"我哋嗌咗鳯尾蝦"
跟住傳菜再睇下盤上張單，竟然同我哋講"唔好意思，呢個就係鳯尾蝦"
我哋心有不甘，"呢個係鳯尾蝦????"
傳菜好肯定咁答"係﹗"，跟住就走咗

我哋回過神之後，我諗諗可能人哋個鳯尾蝦係真係咁樣，但老公唔甘心，決定搵個侍應嚟問下。
叫咗個女侍應埋嚟，問"呢碟係咩嚟?"
女侍應即刻答"係春卷"
我哋當然火都嚟埋，"我哋係叫鳯尾蝦ga 喎...." ，都未講完，個女侍應乜都冇講就行開咗......
之後隱約聽到個女侍應同另一個(應該較高級的)講"咩叫咗鳯尾蝦喎....." (態度好到呢....)

過咗一陣個高級的行過嚟，話唔好意思，比錯咗個春卷我哋，話換返比我哋
但我哋真係忍唔住，好明顯我哋一早已表明佢係上錯菜，但個傳菜完全冇理，仲要好肯定話碟春卷係鳯尾蝦﹗﹗﹗﹗真係痴線架~~
對方只話唔好意思，個傳菜唔係成日响呢度返工 ，咁ge藉口都得﹗唔認得d菜識唔識問下人啊??
最後覺得繼續鬧都係嘥氣，所以叫佢快快換返啱就算

點知，轉個頭返嚟話比我哋知原來是日冇鳯尾蝦﹗﹗﹗﹗

呢間嘢真係好有問題
- 冇鳯尾蝦，冇人知會我哋改單
- 自把自為轉咗上春卷，傳菜單照寫鳯尾蝦
- 傳菜員冇理客人投訴，唔識又唔問下人，响度亂咁講
- 侍應態度奇差
- 碎濕濕的菜當係沙律 (我哋冇食到肚痛真係算我哋好彩)

根本個2人套餐的份量就唔足夠2人食，除咗飯同飲品係絶對足夠之外，個海南雞得個4-5塊、個蝦餅(最終轉咗蝦餅)得一舊 + 如伴菜的碎濕濕椰菜，呢d 份量只夠一人食﹗竟然要收我哋$14x 再加一﹗﹗﹗

當然我哋唔會再去食，仲要話晒比所有親戚朋友知﹗﹗ 

勝博殿日式炸豬扒 + 心洞

4月4日清明節，除咗去拜山之外，仲買咗飛夜晚去睇蘇玉華的心洞

下晝拜完山之後，我哋先去銅鑼灣行陣街先，去咗FOREVER 21，嘩....多人到呢，雖然知道價錢唔貴，但都唔駛好似唔駛錢咁ga......

之後未到六點就去食飯，去勝博殿食炸豬扒，因為未到六點未開，所以响周圍行咗一陣，大概6:05返去， 已經坐低咗好多人，大概有半個餐廳。再坐多十分鐘，已經見到好多人等位，所以建議大家六點去就唔駛等位啦~~

因為都仲好早，所以我哋三個人諗住只叫兩個餐，點知個侍應話唔得

個侍應只係不停講，公司規定，如果3個人只叫2個餐係需要另加$58 + 前菜(椰菜)&飯&麵豉湯。我哋只好表明我哋其中一個係唔食椰菜&麵豉湯，咁加嚟做乜。但個侍應只識不停重複話係公司規定，我哋話叫多個小食都唔得。究竟點解有呢個規定，佢講極我哋都唔明......最後講講下我哋叮咗一下，會唔會因為前菜同飯都可以添加，所以如果我哋只叫2個餐，添加前菜同飯佢哋會覺得蝕咗呢 所以我哋就話如果我哋唔需要添加，係咪可以就咁叫2個餐呢，個侍應即刻答"可以"  

而家啲人的表達同應變能力真係好差，我哋都話明有人唔食椰菜囉，我哋又點會去添加呢，迫我哋加$58要d唔食ge嘢，我哋又點會接受呢.......

唉，算啦......叫咗個千層錦套餐& 元祖三色豬柳卷套餐，真係好好味，炸物的脆醬好鬆化，我個friend 話好食過銀座梅林 (正確嚟講佢係話銀座梅林唔好食)


前菜 — 一大兜椰菜 (可點芝麻醬/柚子醬) + 漬物&青瓜


另有一碗黑白芝麻，比大家鐘碎之後加醬汁點豬扒的

千層錦套餐 — 千層錦 + 忌廉蟹肉餅 + 炸蝦 (個千層錦有啲肥豬肉，所以覺得麻麻地，下次都係食炸豬扒先得。不過呢個千層錦係期間限定的，好似只會到五月)

元祖三色豬柳卷套餐 — 三款豬柳卷﹕芝士/露荀/梅子 (個梅子味好....酸)

可能始終炸豬扒製作需時，所以搞到我哋由銅鑼灣去藝術中心都有啲趕，加上金鐘地鐡站去藝術中心條路改咗，我哋差少少就要過咗第一節先入得啦.....真好彩

開頭都有d驚睇呢類比較正經的劇會忍唔住瞌下眼瞓 (始終行咗大半日+啱啱食飽飯)，但最終都無。可能壽臣劇場比較細，表情睇得較細膩所以都好投入。幾位演員做得出色都唔駛特別講啦，睇完之後絶對可以令人好好反思......