老公生日 の DINNER & BIRTHDAY CAKE

在HOORAY坐了大約個半鐘，便開始在銅鑼灣周圍走走，幫助消化迎接晚餐

這次晚餐到APPLEGREEN，是老公自己選的，因為下午去HIGH TEA，又蛋糕，所以他說簡簡單單便可以了。

因為第一次光顧，也不清楚份量，一下子便叫了四樣東西﹕

半份野菌意大利醋沙律 (因為這裡出名沙律，所以叫了) — 野菌上灑了點辣粉，很野味，但半份的份量也很大，兩人吃不完




梨子牛油果醬 配 墨西哥脆片 — 醬好清而脆片沒味道，還有些硬了不脆的，所以沒法帶出味道來

燒菠蘿肉眼扒 (七成熟) — 看到鄰桌在吃，很吸引，又覺得份量不大，所以忍不住叫了。怎料菠蘿大大的兩條，肉眼扒大大的一塊﹗﹗最終浪費了那菠蘿 
肉眼扒七成熟剛剛好，但略嫌味道太甜，少了肉味

焗木糠芝士通粉 —  我們太飽，只吃了一點點，剩下打包走了 (不要浪費﹗)



飲品方面，老公叫了lemonade (可refill)，我叫了黑加侖子檸檬水，兩杯都頗酸



週末APPLEGREEN都頗多人等位，訂定位比較穩陣，訂枱都分了兩個時段 — 6:00 - 8:00 OR 8:30 - CLOSE。
個人觀感覺得餐廳很嘈吵，我們已坐在角落，但周圍的笑聲談話聲就從四方八面湧過來，不知是否聲音沒地方散



今年我訂了CHEESESS 的 福島抺茶芝士蛋糕 給老公 (其實喜歡抺茶的是我)。
選這個是因為在微博看到商台的DJ常常在介紹好吃，看落賣相都很吸引，所以決定老公生日時買來試試。
再在CHEESESS的微博看到他們新出了這款抺茶芝士蛋糕，期間限定四月發售，他們還解釋取名為福島是為祝福日本，更將這款蛋糕的收益捐出百分之一予香港紅十字會。看到這個，我當然支持。

第一次在網上訂了一個小的，還預定了晚餐前去拿。真的很方便，晚上訂了，第二天便有專人打來確認訂單。
去拿時蛋糕雪硬了，需要大概30分鐘至1個鐘解凍
所以到餐廳時都自己拿著算了。到最後太飽沒在APPLEGREEN 吃蛋糕，不然要收$50切餅費。

回到家才吃蛋糕

 

CHEESESS 的包裝很精美，蛋糕盒是木製的，留來收藏了。

這個抺茶芝士蛋糕真的沒有什麼特別，普通過普通，還有灑面的綠茶粉過苦，芝士蛋糕的甜味根本沒法蓋過這苦味

我是選錯了蛋糕嗎 還是名人推廣真的虛張聲勢了

老公生日 の High Tea @ Hooray

今年老公生日在星期六，沒有什麼特別節目，主要都是食、食+食

下午先到銅鑼灣世貿這間叫HOORAY HIGH TEA

原本天文台天氣預報星期六日都下雨，怎料昨天出奇地好天氣﹗所以由坐INDOOR改為OUTDOOR~~

太陽伯伯很可愛，一直都曬著我們，雖然是有點熱，但覺得很健康






這個HIGH TEA SET咸點比較好味，甜品則麻麻。不知是不是戶外比較熱，影响了，泡芙和班戟的皮都有點硬。若果原本就是這樣，就真的不及格了.....

不過到這間餐廳的各位，戶外SEA VIEW就是最吸引的地方吧。坐在那裡感覺真的很RELAX~~

同場加映 - wtc la petite mu mu Easter Dream Garden

兩次不快經歷 (下)

復活節假期最後一日，我哋同夫家去葵芳新都會廣場的小南國食晚飯。

小南國都算係一間有名的上海菜餐廳，真係估唔到會有咁ge遭遇....

話說睇緊菜牌時，我同老公揀咗蔥油海蜇花、紅燒肉同鴨，其他人再加其他菜

睇到菜牌個紅燒肉可以配茶樹菇or百頁結，所以我話落單時記得同佢講要百頁結，因為我想食
而老公就未諗到要個前菜「上海醬鴨」好，定要個主菜「樟茶鴨」。

未諗好阿哥就開始落單，佢落完老公話要拎返本菜牌睇多次，揀「上海醬鴨」定「樟茶鴨」。
落單侍應就一句"得"埋嚟，"上海醬鴨同樟茶鴨係兩樣嘢嚟"
我哋無奈咁答: "我哋知....."

最後老公揀咗醬鴨，個侍應問要半隻定例牌
我哋﹕"要醬鴨喎" (邊會有人叫半隻鴨做前菜)
侍應﹕"係啊，醬鴨都有可以嗌半隻，加$xx"
老公﹕"個菜牌得一個價錢，咩要例牌定半隻啫" (開始火火地)
侍應﹕"唔係，你加$xx就可以有半隻....."
deadair 咗幾秒
我忍唔住叫﹕"例牌啦﹗"

之後叫紅燒肉，個侍應好無謂咁問我哋加唔加d唔知咩嘢，好明顯係完全冇諗住問我哋要茶樹菇定百頁結
所以我唔理佢加乜嘢，話個紅燒肉要配百頁結

個侍應竟然同我講﹕"個紅燒肉配百頁結唔好味ga，個百頁結唔會入到味，茶樹菇好食好多ga"
我真係無佢咁好氣，就話﹕"我想食百頁結"
侍應竟然繼續﹕"唔係ga，要茶樹菇啦，好食好多ga......."
老公終於忍唔住﹕"夠啦喎你......"

真係好匪夷所思，個侍應點解係都要我哋食茶樹菇，唔比我哋唔食架咩?
我講到明要食百頁結，佢繼續講佢ge理論，有冇聽客人講嘢架??
如果百頁結煮呢個紅燒肉咁~~~唔好食，點解要放入菜牌呢???
明明百頁結係冇乜味，就係要用類似紅燒呢d濃味的煮法一齊煮先好味，個侍應點解一口咬定會唔入味呢????

兩次不快經歷 (上)

清明+復活節長假裡，去咗兩間餐廳食晚飯，但兩間的服務態度認真嚇人，所以寫出來比大家參考參考一下。

(一) 馬鞍山新港城中心一間食類似越南嘢的餐廳 (响板長同茶軒隔離)

我哋叫咗一個2人套餐，$14x，雖然唔係好貴，但亦都唔平囉，並唔係大排檔價錢
套餐包括﹕
沙律 — 有鳯尾蝦 / 春卷 / 蝦餅揀 --> 我哋揀咗鳯尾蝦
主菜 — 揀2款 --> 我哋揀咗馬拉盞炒通菜 & 無骨海南雞
白飯 x 2 + 飲品 x 2

首先嚟咗2杯嘢飲&馬拉盞炒通菜，過咗一陣都冇話自動上飯，要我哋叫上。
之後嚟埋海南雞
最後就嚟咗一碟春卷，旁邊有d碎椰菜 (比平時伴菜更碎的菜)

個侍應一放落嚟，老公就即刻話"唔係我哋ge，我哋冇嗌春卷"
傳菜想拎走，同時又問"你哋嗌咗咩"
"我哋嗌咗鳯尾蝦"
跟住傳菜再睇下盤上張單，竟然同我哋講"唔好意思，呢個就係鳯尾蝦"
我哋心有不甘，"呢個係鳯尾蝦????"
傳菜好肯定咁答"係﹗"，跟住就走咗

我哋回過神之後，我諗諗可能人哋個鳯尾蝦係真係咁樣，但老公唔甘心，決定搵個侍應嚟問下。
叫咗個女侍應埋嚟，問"呢碟係咩嚟?"
女侍應即刻答"係春卷"
我哋當然火都嚟埋，"我哋係叫鳯尾蝦ga 喎...." ，都未講完，個女侍應乜都冇講就行開咗......
之後隱約聽到個女侍應同另一個(應該較高級的)講"咩叫咗鳯尾蝦喎....." (態度好到呢....)

過咗一陣個高級的行過嚟，話唔好意思，比錯咗個春卷我哋，話換返比我哋
但我哋真係忍唔住，好明顯我哋一早已表明佢係上錯菜，但個傳菜完全冇理，仲要好肯定話碟春卷係鳯尾蝦﹗﹗﹗﹗真係痴線架~~
對方只話唔好意思，個傳菜唔係成日响呢度返工 ，咁ge藉口都得﹗唔認得d菜識唔識問下人啊??
最後覺得繼續鬧都係嘥氣，所以叫佢快快換返啱就算

點知，轉個頭返嚟話比我哋知原來是日冇鳯尾蝦﹗﹗﹗﹗

呢間嘢真係好有問題
- 冇鳯尾蝦，冇人知會我哋改單
- 自把自為轉咗上春卷，傳菜單照寫鳯尾蝦
- 傳菜員冇理客人投訴，唔識又唔問下人，响度亂咁講
- 侍應態度奇差
- 碎濕濕的菜當係沙律 (我哋冇食到肚痛真係算我哋好彩)

根本個2人套餐的份量就唔足夠2人食，除咗飯同飲品係絶對足夠之外，個海南雞得個4-5塊、個蝦餅(最終轉咗蝦餅)得一舊 + 如伴菜的碎濕濕椰菜，呢d 份量只夠一人食﹗竟然要收我哋$14x 再加一﹗﹗﹗

當然我哋唔會再去食，仲要話晒比所有親戚朋友知﹗﹗ 

勝博殿日式炸豬扒 + 心洞

4月4日清明節，除咗去拜山之外，仲買咗飛夜晚去睇蘇玉華的心洞

下晝拜完山之後，我哋先去銅鑼灣行陣街先，去咗FOREVER 21，嘩....多人到呢，雖然知道價錢唔貴，但都唔駛好似唔駛錢咁ga......

之後未到六點就去食飯，去勝博殿食炸豬扒，因為未到六點未開，所以响周圍行咗一陣，大概6:05返去， 已經坐低咗好多人，大概有半個餐廳。再坐多十分鐘，已經見到好多人等位，所以建議大家六點去就唔駛等位啦~~

因為都仲好早，所以我哋三個人諗住只叫兩個餐，點知個侍應話唔得

個侍應只係不停講，公司規定，如果3個人只叫2個餐係需要另加$58 + 前菜(椰菜)&飯&麵豉湯。我哋只好表明我哋其中一個係唔食椰菜&麵豉湯，咁加嚟做乜。但個侍應只識不停重複話係公司規定，我哋話叫多個小食都唔得。究竟點解有呢個規定，佢講極我哋都唔明......最後講講下我哋叮咗一下，會唔會因為前菜同飯都可以添加，所以如果我哋只叫2個餐，添加前菜同飯佢哋會覺得蝕咗呢 所以我哋就話如果我哋唔需要添加，係咪可以就咁叫2個餐呢，個侍應即刻答"可以"  

而家啲人的表達同應變能力真係好差，我哋都話明有人唔食椰菜囉，我哋又點會去添加呢，迫我哋加$58要d唔食ge嘢，我哋又點會接受呢.......

唉，算啦......叫咗個千層錦套餐& 元祖三色豬柳卷套餐，真係好好味，炸物的脆醬好鬆化，我個friend 話好食過銀座梅林 (正確嚟講佢係話銀座梅林唔好食)


前菜 — 一大兜椰菜 (可點芝麻醬/柚子醬) + 漬物&青瓜


另有一碗黑白芝麻，比大家鐘碎之後加醬汁點豬扒的

千層錦套餐 — 千層錦 + 忌廉蟹肉餅 + 炸蝦 (個千層錦有啲肥豬肉，所以覺得麻麻地，下次都係食炸豬扒先得。不過呢個千層錦係期間限定的，好似只會到五月)

元祖三色豬柳卷套餐 — 三款豬柳卷﹕芝士/露荀/梅子 (個梅子味好....酸)

可能始終炸豬扒製作需時，所以搞到我哋由銅鑼灣去藝術中心都有啲趕，加上金鐘地鐡站去藝術中心條路改咗，我哋差少少就要過咗第一節先入得啦.....真好彩

開頭都有d驚睇呢類比較正經的劇會忍唔住瞌下眼瞓 (始終行咗大半日+啱啱食飽飯)，但最終都無。可能壽臣劇場比較細，表情睇得較細膩所以都好投入。幾位演員做得出色都唔駛特別講啦，睇完之後絶對可以令人好好反思......

地球一小時 2012

三月三十一日晚上八時半



支持地球一小時，响屋企關晒所有燈，為地球環境保護出少少力