飲飲食食 の 繼續官塘工廈試食

因為响官塘返工，順利成章經常响官塘搵食，而家响工廈開餐廳開到成巷成巿，搵食變成樂事，好多新嘢食!!

不過發現網上食評真的不能盡信，好幾間試過，先發覺被騙.......以下係其中一間

呢日約咗一位剛剛生完B的朋友，出嚟官塘陪我食個LUNCH

一坐低就係咁傾湊B經，完全無為意點完菜淨係上咗個前菜一直唔見主菜!!

最後係有人走嚟問我哋點咗D乜，先發現原來點菜寫嗰張單，仲响我哋張枱上!!  又會咁做嘢都得.......

就係左上個張紙仔

獅媽手記 の 工廈私房菜

之前工廠大廈有好多開倉，而家就越來越多舖頭，賣衫啊、日韓護膚品啊、天然手工梘/護膚品.....

近排食肆更加越開越多，我公司附近就接二連三開咗幾間韓式餐廳，跟住就係私房菜....

農曆年有廠請食飯，揀咗呢間PRIVATE K，都OK喎

周圍裝潢

我影相的位置係張大梳化，可以食飯前後大家坐下傾下計

桌面佈置

飲飲食食 @ 心燒食堂

睇三貓媽媽blog介紹，呢間餐廳有畫MOCHA铅筆畫的畫家作品展覽

咁啱朋友生日，佢比咗"日本菜"呢個題目去搵餐廳
就係咁，我同朋友就決定去呢度食生日飯啦~~


環境係黑媽媽嗰隻，見佢有兩層，我哋坐上層，無落到樓下 (樓下應該預留比知名人仕，聽聞其中一個老闆係做廣告的，同埋我朋友見到張衞健行咗落去)

佢哋介紹咗幾款招牌菜(主要串燒為主)，介紹嗰幾樣我哋都好啱食，所以基本上我哋都叫齊晒
**因為唔光，所以串燒碟碟都差唔多 & 有d核突**

心燒龍串鳯 + 燒牛脷芯

本身唔食牛脷的，所以覺得麻麻地 (朋友話叫的)。而心燒龍串鳯即係雞翼串

又到聖誕~~又到聖誕~~~(下)

快快補返聖誕節時影d 相  

尖沙咀海港城

老公生日 の DINNER & BIRTHDAY CAKE

在HOORAY坐了大約個半鐘，便開始在銅鑼灣周圍走走，幫助消化迎接晚餐

這次晚餐到APPLEGREEN，是老公自己選的，因為下午去HIGH TEA，又蛋糕，所以他說簡簡單單便可以了。

因為第一次光顧，也不清楚份量，一下子便叫了四樣東西﹕

半份野菌意大利醋沙律 (因為這裡出名沙律，所以叫了) — 野菌上灑了點辣粉，很野味，但半份的份量也很大，兩人吃不完




梨子牛油果醬 配 墨西哥脆片 — 醬好清而脆片沒味道，還有些硬了不脆的，所以沒法帶出味道來

燒菠蘿肉眼扒 (七成熟) — 看到鄰桌在吃，很吸引，又覺得份量不大，所以忍不住叫了。怎料菠蘿大大的兩條，肉眼扒大大的一塊﹗﹗最終浪費了那菠蘿 
肉眼扒七成熟剛剛好，但略嫌味道太甜，少了肉味

焗木糠芝士通粉 —  我們太飽，只吃了一點點，剩下打包走了 (不要浪費﹗)



飲品方面，老公叫了lemonade (可refill)，我叫了黑加侖子檸檬水，兩杯都頗酸



週末APPLEGREEN都頗多人等位，訂定位比較穩陣，訂枱都分了兩個時段 — 6:00 - 8:00 OR 8:30 - CLOSE。
個人觀感覺得餐廳很嘈吵，我們已坐在角落，但周圍的笑聲談話聲就從四方八面湧過來，不知是否聲音沒地方散



今年我訂了CHEESESS 的 福島抺茶芝士蛋糕 給老公 (其實喜歡抺茶的是我)。
選這個是因為在微博看到商台的DJ常常在介紹好吃，看落賣相都很吸引，所以決定老公生日時買來試試。
再在CHEESESS的微博看到他們新出了這款抺茶芝士蛋糕，期間限定四月發售，他們還解釋取名為福島是為祝福日本，更將這款蛋糕的收益捐出百分之一予香港紅十字會。看到這個，我當然支持。

第一次在網上訂了一個小的，還預定了晚餐前去拿。真的很方便，晚上訂了，第二天便有專人打來確認訂單。
去拿時蛋糕雪硬了，需要大概30分鐘至1個鐘解凍
所以到餐廳時都自己拿著算了。到最後太飽沒在APPLEGREEN 吃蛋糕，不然要收$50切餅費。

回到家才吃蛋糕

 

CHEESESS 的包裝很精美，蛋糕盒是木製的，留來收藏了。

這個抺茶芝士蛋糕真的沒有什麼特別，普通過普通，還有灑面的綠茶粉過苦，芝士蛋糕的甜味根本沒法蓋過這苦味

我是選錯了蛋糕嗎 還是名人推廣真的虛張聲勢了

BANYAN THAI 泰國菜@德福廣場

好耐無去過德福，今晚放工同老公去食個晚飯

原來二期嗰邊開咗幾間新餐廳，有日本拉麵、日本放題等等

到達時翡翠拉麵依然多人要等位，所以我哋決定去食呢間唔駛等位的泰國菜 - Banyan Thai

青咖喱雞配酥餅 - 青咖喱係餐廳推介，都ok辣，椰汁味都夠


蒜蓉大蜆 - 六十幾蚊半打，即圍起10蚊隻蜆，無咩特別，蜆亦唔夠大，唔抵


燒牛肉 - 呢個最好味，牛肉燒得啱啱好，加上有d辣的醬汁，好惹味


蒜蓉炒芥蘭 - 開始食都係正常好味炒芥蘭，但過耐咗d生粉獻開始結成一舊舊


青檸梳打


整體嚟講好ok，地方寬敞唔迫，五個餸加杯嘢飲三百幾蚊，可以約埋幾個朋友食飯傾計，一定唔會有人趕。

麵屋武蔵

apm新開了間拉麵店，自開業以來，每晚大概六點半左右便開始有一大班人等位
眼見都開了一段時間，還是有那麼多人等位，前幾天終於的起心肝和老公去等位試下

其實實際等的時間並不長，店內的座位不多，這就是每晚那麼多人等位的主要原因吧

我們2人總共叫了兩個拉麵+兩款小食

老公選了义燒黑武骨

我選了豚肉白武骨

沙律

比目魚柚奄燒

整體來說，店內環境不過不失，沒有什麼特別，是較黑那類型。店員服務態度也好，會自動前來加水。

但食物就不太滿意，首先拉麵，麵太硬。本人本身已經喜歡較硬的食物，食飯食麵食菜都喜歡硬身爽口的，但這裡的麵只有硬，一點也不彈牙。還有湯底太油，麵還沒有吃完，便覺得十分頂胃﹗

燒魚的碟很大，但只有兩小舊魚，份量真的不合比例，最重要是只有微熱，是放了很久才上枱嗎?

沙律就不便批評，因為這沙律的蔬菜都是我不喜吃的，若說這沙律不好吃便太不公平了

德國餐廳 - King Ludwig Beerhall

去了這間德國餐廳的尖沙咀分店，很多人都話好食，因為有coupon + 折，所以去試下

8點前HAPPY HOUR，所以叫了一杯德國啤酒LOWENBRAU 和 一杯MOCKTAIL RED SKY (LEMON + GRAPEFRUIT)

杯MOCKTAIL 飲飲下勁似藥水味.....

COUPON贈送的雜菌沙律


之後再叫了
德國雲吞清雞湯 - 係比較清，同埋雲吞好似腐皮卷
叫咗一個佢自動幫我哋分咗兩碗


忌廉雞肉磨菇薯餅 - 無咩特別

再一個最出名的德國豬手 - 係好好味，個皮脆卜卜，好野味
但等咗好耐，食到半飽先上，食完第一舊已經包晒


無肚食甜品LU.......

餐廳環境唔錯，好適合一大班朋友飲啤酒吹水。所以雖然有LIVE BAND，都無乜作用，無人理過...... 

 

情人節大餐

今年情人節，老公打破傳統，唔再食西餐，話西餐廳都係set死d套餐喎

所以改食我鍾意的日本菜﹗﹗

壽司翔太

 

赤貝刺身


雜錦壽司



蝦天婦羅

蕃薯天婦羅
 

燒鰤魚

茄子燒


兩個人實在食唔到太多，蕃薯天婦羅真的叫錯了，太飽肚，搞到不太食得落其餘的。但當然.....到最後都係食完了，唔好浪費嘛﹗

食物方面整體來說是美味的，刺身好新鮮，只有茄子燒冇乜味

環境方面，座位唔多，所以好鬆動舒服。但係周不時有d拍嘢的巨響(拍魚嗎?)，有d影响，太恐怖了.....
仲有就係鄰座的投訴，只係"未叫上菜"但上了就要取消order?? 太浪費了吧.....投訴下就算啦，知唔知有幾多人連食都冇.....