BANYAN THAI 泰國菜@德福廣場

好耐無去過德福，今晚放工同老公去食個晚飯

原來二期嗰邊開咗幾間新餐廳，有日本拉麵、日本放題等等

到達時翡翠拉麵依然多人要等位，所以我哋決定去食呢間唔駛等位的泰國菜 - Banyan Thai

青咖喱雞配酥餅 - 青咖喱係餐廳推介，都ok辣，椰汁味都夠


蒜蓉大蜆 - 六十幾蚊半打，即圍起10蚊隻蜆，無咩特別，蜆亦唔夠大，唔抵


燒牛肉 - 呢個最好味，牛肉燒得啱啱好，加上有d辣的醬汁，好惹味


蒜蓉炒芥蘭 - 開始食都係正常好味炒芥蘭，但過耐咗d生粉獻開始結成一舊舊


青檸梳打


整體嚟講好ok，地方寬敞唔迫，五個餸加杯嘢飲三百幾蚊，可以約埋幾個朋友食飯傾計，一定唔會有人趕。