飲飲食食 の 繼續官塘工廈試食

因為响官塘返工，順利成章經常响官塘搵食，而家响工廈開餐廳開到成巷成巿，搵食變成樂事，好多新嘢食!!

不過發現網上食評真的不能盡信，好幾間試過，先發覺被騙.......以下係其中一間

呢日約咗一位剛剛生完B的朋友，出嚟官塘陪我食個LUNCH

一坐低就係咁傾湊B經，完全無為意點完菜淨係上咗個前菜一直唔見主菜!!

最後係有人走嚟問我哋點咗D乜，先發現原來點菜寫嗰張單，仲响我哋張枱上!!  又會咁做嘢都得.......

就係左上個張紙仔

我叫的豬扒帶子飯

 好明顯，無乜汁之餘，塊豬扒超韌......韌到食唔到.....正常嚟講响屋企塊豬扒韌到咁都唔想食，何況响餐廳

有個唔知係咪老板的人見我食剩塊豬扒，問我係咪有咩問題，我話好韌啊~~佢話唔好意思，送個甜品比我哋

士多啤利窩夫

再一次失望，窩夫係"林"的好唔新鮮!!

無辦法，唔會再幫襯~~

BOLD ITALIC - 官塘開源道60號駱駝漆大廈三期三樓P室