其實有好多嘢想寫、好多嘢想同大家分享
但呢兩個月，不同的事接踵而來
有好的、有壞的、有令人鼓舞的、有令人頭痛的、有令人快樂的、亦有令人發狂的........
前幾日仲覺得自己快顛了!!
經常會見到人話，做全職媽媽好辛苦，無工人無人幫，全部自己落手落腳，24小時都要做......
當然我唔會抺殺媽媽們的辛勞
但有邊個，會去理解一下，在職媽媽的壓力?
同時HANDLE 婆婆同工人係我有生之年以來，覺得最難最委屈的事。
每日婆婆就同我投訴個工人呢樣嗰樣，但自年頭公公走咗之後，我又唔想婆婆自己一個响屋企，唯有佢受盡工人氣，我都要每日請佢過嚟。我就變成出氣袋，每日比婆婆吹到就快爆為止.....
講真嗰句，幾多錢請個工人返嚟，大家都心知肚明，我從來無expect 過佢做嘢會同我自己做一樣咁好。但我只想大家都攞個良心出嚟，我對你好時，麻煩你都可以將心比己，唔好只做個半年，就越來越冇大有細，乜都奉旨，教我個女發脾氣鬧人仲覺得好好玩! 又周不時比我發現你猛你對大眼講大話!!!
好可惜.......心口只可以有個「忍」字
响屋企要忍，你估返工唔駛忍咩......亦有同獅爸大吵過一場.......
百忍成金，我舊金未煉成之前，可能已經要比人送入青山囉..........
好在有小吉同獅B 响度，每日見到佢哋健康成長，獅B一日一日長大，又同小吉老友鬼鬼，獅媽最頂多都係响個BLOG 呻下，同朋友傾下，發洩下
望到你哋盡量都將d怨屈氣拋諸腦後，唔想到頭來屈出個病來......
又嚟望望佢哋個瞓覺樣先!!
沒有留言:
張貼留言