貓貓日記 の 係要瞓人用的地方~~

小吉同傻豹從來都唔會攬住一齊瞓

有睇過我舊BLOG的貓友，都知佢哋連同一時間瞓埋同一個梳化都唔願意!!

就係咁，一個瞓梳化時

 另一個瞓矮櫃﹗

但呢一日返到屋企，驚見竟然有呢個時候~~

 

上下格床!!!!!

其實呢個係買嚟比獅子先生&太太著鞋時坐的矮櫃，籐籃入面係我哋出街時放拖鞋的

當然買返嚟後無耐，人坐的位置已被貓霸咗。黏滿毛獅子先生絶對唔會坐上去

久而久之連獅子太太都頂唔順....哈哈

順利成章就成為佢哋瞓覺竇口

但唔知邊日傻豹無啦啦發現下格有個更舒適的地方，佢不惜自己用小手爬開櫃桶。

即使比獅子先生整蠱，整個櫃桶關上，佢都照瞓唔理!!

唉.....其實我為閣下預備的床舖多的是，點解係要瞓响呢度呢.......

同場加映

 

這天傻豹又自己走咗入去瞓，獅子先生又關上籐籃

獅子太太開了中間小櫃桶拿東西

當中漏了一個大隙罅

小吉行經發現裡面有動靜，坐响旁邊觀察咗一陣，佢竟然趁傻豹無得反抗，伸手入去打傻豹

HAHAHAHAHAHAHAHAHAHA.......笑死我!!!!