貓貓日記 の 又係時候去打針

一年又過，又要帶傻豹去打針，今年多咗小獅B，獅爸要留守湊女！

今次要獅媽同婆婆帶傻豹去

獅爸一拎出街袋出嚟，小吉即衝入房匿埋！但傻豹仲傻傻地得正正响廳 σ^_^;

到咗診所仲係傻呼呼的樣子

因為傻豹就快返婆婆家了，响診所時我叮囑婆婆，返到去唔好亂咁比零食傻豹，白費我幫佢減肥的一番苦心。婆婆話佢瘦咗好多啊，到時比多少少啦，而家太瘦啦~~~

一入到醫生姐姐度

佢即刻講：'傻豹太肥啦～要再減啊！'

我立即偷笑！我：'但佢輕咗好多啦喎....'

醫生姐姐：'你睇佢條腰都冇咗，唔得啊，都係太肥，要再減！'

婆婆只好無奈地笑 ^_^

哈哈哈，唔係我話㗎～婆婆冇得再投訴傻豹太輕啦!!!

同場加映

打針嗰朝我將粒麵包放心入小獅B個口，佢立即攞條脷頂返出嚟！咁就黏咗响咀唇度！！哈哈，好搞笑～～

佢仲一臉唔知發生緊咩事咁！