BB好去處 の 西貢

我主張帶BB周圍去, 比佢接觸多D事物, 獅B再細D時我哋都係咁帶佢出街, 好多人都話比BB接觸下細菌, 扺抗力好D, 唔係到讀書時就麻煩.....

呢次去西貢係三月, 開始回暖唔駛著到成隻糉咁, 又未係好熱, 天氣啱啱好~~

西貢都係熱門郊遊地方, 搭小巴排長龍

入到去醫肚先

 西貢有好多特色餐廳，不過而家遊客越嚟越多，越嚟越旺變相食個LUNCH 都好貴.....

買茶粿

 呢間許姑娘茶粿响西貢好出名，好多人買!!

食飽飽，散下步就最啱~~

沿住海傍一路走，行行下獅B就瞓著咗lu.....經過草地時唔可以同d狗仔玩下lu.....

一覺醒來，發現自己唔知去咗邊！！？？

坐咗响沙沙上面，慘到喊晒口

落水水又喊過

喊到好淒涼.....

腳仔掂下掂下d水

開始接受.....

仲同舅父玩得好開心添!!

期間仲見到小蟹仔

上返岸腳仔踏下沙

完全適應晒啦~~仲自己執d貝殼玩

臨走歎返支奶先

其實d BB好多時係唔習慣先喊，眼見好多媽媽見到自己仔女一喊就話"好好好....唔做唔做....."，我就好少咁做，通常喊喊下佢適應咗就無事!! 咁樣佢先敢繼續接觸唔同的新事物~~

而家天氣已經開始熱，下次再去可以著泳衣，可以更盡情玩水玩沙啦~~