貓貓日記 の 相處之道

其實先前都有提過，傻豹係响上年6月，先入住獅子家
由於小吉已經霸晒地盤，所以對於傻豹的入住，係十分抗拒 --> 可睇返貓貓日記 の 有你份冇我份 暴力小吉

但突然有一日發現，小吉開始怕傻豹，有一次仲發現小吉無啦啦匿咗入浴屏  究竟當我哋返晒工，只剩佢哋响屋企的時候，傻豹做過d咩呢....突然做咗大佬??

明明小吉比傻豹大隻，但對於傻豹每一步進迫，顯得好膽怯，跳上梳化後仲想逃.......小吉輸了



期後小吉發咗一場燒，我諗係傻豹突然勢力座大而形成壓力所致 --> 詳情可睇返貓貓日記 の 搗蛋王也病倒了

病好之後小吉好似無咁怕傻豹，對付傻豹亦有佢自我一套方法.......但呢個時候開始，就久不久見到佢哋攬埋一舊打交的情況出現.....

呢次打完之後小吉條頸圈被傻豹"fing" 咗上掠衫架

小吉只好匿响架底飲泣

佢哋通常就係攬住互撐互咬幾下之後就會即時彈開，所以過程根本快到唔會影到
但案發現場的嚇人場面，第一次見到時真係嚇破胆

再嚟近鏡

當然立即檢查傷勢!!  可幸係發現只係甩咗好多一執執毛，並無傷痕﹗

但小吉就好上心咁粗晒尾尾，匿响凳底

反觀傻豹  佢根本唔當係一回事，已經响廳搖晒尾尾周圍走~~

之後類似情況keep住發生，通常係傻豹撩交打在先，小吉係忍無可忍先會作出反抗

傻豹係好多時無啦啦一隻手仔就咁拍去小吉塊面，小吉都只會去兇一兇傻豹，之後就調頭走

希望呢個係佢哋覺得最舒服的相處方式，始終扮老友都唔會係貓哋會做的事。
總比屈埋屈埋抑或某方被欺凌為好吧.........

************************************************************************************************
若喜歡我們獅子家的小吉&傻豹，請LIKE~~
獅家駅 - 手作り小物の店

Promote Your Page Too