貓貓日記 の 搗蛋王也病倒了

九月廿九日夜晚出完街返到屋企，小吉雖然無叫我比宵夜佢食，不過我都不以為然.....
九月卅日朝早小吉開始悶悶不樂，我以為佢有d咩事唔開心......


但夜晚都仲有d心情同月兔玩下


平日一到5點佢必定吹我放飯，但呢日竟然無﹗不過罐罐依然有食晒.....
夜晚繼續冇叫我比宵夜.....
十月一日
成日都無嚟精神，大概都係維持呢個姿勢，感覺到耳仔比平常熱


呢晚有客人嚟我哋屋企，傻豹照舊唔知匿咗去邊，而小吉都有出嚟招呼下客人
而拎罐罐出嚟時，佢都仲有興奮地叫咗幾聲﹗但就食剩少少 (最後比傻豹掃埋)
十月二日小吉基本上都係瞓覺狀態，只係叫佢時眼尾望一望你....


開始頭同身都熱埋，我嘗試將濕毛巾敷响佢頭頭同耳仔，希望可以幫佢降下溫


原本諗住觀察埋呢晚先再算，畢竟佢都仲有食晒d罐罐

點知.....就係呢晚開始，罐罐只食到一半，就跳返上床瞓過﹗﹗
咁樣唔得啦，連小吉至愛的罐罐都唔食，所以決定即刻打去診所book第二朝睇醫生
十月三日
小吉成身都仲好熱，背脊d毛毛都豎起晒 (應該要散熱)


但起碼都有見佢落床飲水水.....情況未至於好壞

出發睇醫生
 
都未試過帶住小吉行咁多路
醫生初步檢查(摸同睇)無咩特別嘢，但燒到成41度 未知咩原因。

我問醫生可唔可以食退燒藥睇下退唔退到燒先......佢話小吉7歲有d尷尬，未係後生到可以博下，又啱啱開始踏入老貓年齡......最後決定驗埋血，確實唔係內臟有問題引致發燒

驗血報告半個鐘頭就有，期間我哋帶埋小吉去茶餐廳食個快飯
仲識周圍望八卦


好彩驗血報告好靚，肝胆腎功能正常、紅血球白血球正常、血糖有少少偏高(醫生話指數唔係過高好多，有可能太過緊張所致)，但有脫水跡象，應該都係因為少食嘢同冇乜飲水有關......

所以打咗支退燒消炎針，開咗d退燒藥同開胃藥就走得

返到屋企，小吉個身已經無咁熱，仲重新好自在咁攤响地下添 (雖然一影相就屎面)


放心好多.....只好請媽媽响我屋企多留一陣，我下晝返工

放工心急返屋企，一打開門，小吉同傻豹雙雙等我門

小吉有好幾日郁都唔郁無等我門啦

不停聽到佢叫我快d開飯，我放心返晒~~好開心

罐罐清晒，又乖乖飲水~~

都係要比醫生睇過打支針先無事﹗搗蛋王果然復原能力特別強!!
我就嚇到鼻哥窿都無肉啊!!!!

十月四日

不過頸頸比醫生剃咗執毛毛